ذكرياتي وموقع ميهاف ....

[مثــــــــــايل]

السلاام عليكم ورحمة الله وبركاته


أعزائي أعضاء المنتدى الأفاضل جميعنا لنا ذكرى مع هذا

الموقع العزيز على قلوبنا ....... فقبل افتتاح المنتدى بشهور

قليله ... تعرفنا نحن أغلب الأعضاء على بعضنا الأخر في

دردشة الموقع .... والتي كانت تسمى سابقا ..



AL-wedd.com


ومن بعد ذلك تم افتتاح المنتدى ...


مناسبة الموضوع :. كل شخص منا له ذكرى بأول

مرة دخل فيها هذا الموقع واستمر فيه إلى الأن

فكيف عزيزي العضو تعرفت على هذا الموقع

ومن هو العضو الذي دعاك إلى هذا الموقع

وماسبب ارتباطك بهذا الموقع ......



أتمنى من الجميع المشاركة :)

[مثــــــــــايل]

نظرا لإني كاتبة الموضوع

ولأن مافيه مشاركات عليه للحين

بقول لكم قصتي ويا ميهاف


أنا طبعا عرفت هالموقع عن طريق الصدفة

في فترة من الفترات كنت أروح شات ناسيه

اسمه الحين وكنت مستانسه في هالشات


وبعد فترة قطعت عن النت لظروف خاصة


ولما رجعت مرة ثانيه للنت رحت للموقع هذا


ودخلته ولما شفت الناس اللي فيه مو اهم ربعي


القدامي وجيه جديدة طرت على الساحه الفنية :)


المهم سألت عن اللي أعرفهم محد يعرفهم


تعقدت حيل بس الناس اللي لقيتهم كانوا


أحسن وأطيب بس هالفترة تعقدت حيل


وعلى بالي الشات اهو نفسه وبالاخير


طلعت نافذة الدخول اهي اللي تدخلني

على هالشات ولكن ماعرفت هالشئ الا


بعد مادخلت مرة للشات والا لقيت

نفسي بالشات القديم بس الناس مو اهم

صكت فيني الدنيا شلون أرجع للشات اللي

حبيته وتعودت عليه كنت اتذكر اسماء الغرف

وتذكرت روم اسمها الود وقعدت احاول

ليما رجعت مرة ثانيه :) وتميت من هذيك

الفترة بالشات وبعدها بالمنتدى

للوقت الحالي ......

[بوح قلم]

هلا وغلا مثوله00منوره00وترى على فكره يابعدهم

وربي عليكي مواضيع شئ0

تدرين أنا سالفتي مع الموقع سالفه

هي تضحك وتفشل في نفس الوقت00بس بعد لها ذكريات

حلوه ودروس ممكن تكون قاسيه بس مفيده

المهم عشان مانطول على الجمهور

السالفه ياطويلة العمر00أنا كنت خام جديده ماأعرف بالجهاز

فما بالك بالنت00وكنت في بداية تعلمي الكمبيوتر

وكان أستاذي أخوي الله يسلمه00لانه مافيه احد بيتحمل الي كنت

فيه00المهم ومن ضمن الاشياء الي علمني لها النت وعالمه

وهو يعلمني عشان يرسخ كل شئ 00دخل الشات00الود الي كان بذيك

الفتره اثنين ود00المهم بدا يشتغل وانا اطالع

ورسخ الرابط بالجهاز00وياويلي من رسخ

صرت أدخل وأجلس ساكته00لأني كنت مدري شسالفه

ههههههههههههههههههههههههههههههههه

ودارت الايام وانا ادخل00واتكلم احيانا كلمات متقاطعه

وفي يوم كئيب00كان فيه رومات كثيرررررررر

قلت بشوف شسالفه00دخلت وماعاد عرفت اطلع00

والكل كان يدخل ويسال ليش قاعده بروحك00اقول كذا

وانا بصراحه مو عارفه كيف اطلع

بس طولت ومصختها00مدري من دخل وسالني وش تسوين00

حلفته مايقول ولا يضحك وعدني00اعترفت اني مو قادره اطلع

وماقصر طلعني بس وربي فضحني

بس بعدها مشيت الحال

الشاهد من ذا الكلام00اني دخلت الشات والمنتدى هذا خاااااام

هو اول واخر شات دخلته

ومثوله صدقيني ذا الموقع والي فيه00اثر فيني كثيررررر

سلبا وايجابا00بس صدقيني اخذت منه دروس وعبر

وعرفت ان الناس معاااااادن00نعرفها مع الزمن



مثوله لاحرمنا منك ومن جديدك ومفيدك

دمتي ودام عزك ولاحرمنا جديدك ومفيدك


حـــــــــــــــلااااااوه

[مثــــــــــايل]

بـــوح قلم




شكرا على المرور والمشاركة وفعلا ذكرياتك حلوة :)

كلها براءة وربي :) وكلنا تقريبا مرت علينا اوقات

حلوة واوقات غثيثة وبنفس الوقت تعرفنا على ناس غاية

بالروعه ونتمنى انه ما ننصدم فيهم مثل ما انصدمنا في البعض

ولكن يبقى إننا لقينا الاغلبيه في هذا الموقع يستاهلون

الصداقه والثقه اللي عطيناهم اياها


يعطيك العافيه اختي الغاليه على المشاركة

[بنت النـــــور]

عزيزتي مثايل

موضوع في غايه الروعه...

ولي عوده لكتابة بعض من الذكرياتي مع موقع ميهاف الي هو الود سابقا

دمتي بخير غاليتي

[مثــــــــــايل]

هلا وغلا



بنت النووووور



يعطيك العافيه أختي العزيزة على المرور

وبانتظار عودتك مرة ثانيه للمشاركة

ونتمنى انك ما تحرمينا هذي المشاركة

فلا تطولين الغيبه

[بنت النـــــور]

أقتبــاس :

مناسبة الموضوع :. كل شخص منا له ذكرى بأول

مرة دخل فيها هذا الموقع واستمر فيه إلى الأن

فكيف عزيزي العضو تعرفت على هذا الموقع

ومن هو العضو الذي دعاك إلى هذا الموقع

وماسبب ارتباطك بهذا الموقع ......

تعرفت على هذا الموقع من خلال اخوي الـــفارس هو الي دعاني للموقع

يوميها كان اسمه الود

أول ماصرت ادخل النت كنت ادخل شات الود وبعدها لمن الفارس دعاني

لموقعه صرت ماطلع لموقع ثاني :::00:::

وسبب ارتباطي فيه اني تعرفت على اخوان عزيتهم كثير

وتعرفت على خوات صارو بالنسبة لي اعز

الصديقات بصراحه بصراحه ماقدر افارقهم ... :::00:::

وشـــــــــــاكره لك عزيزتي مثــــايل

دمتي بخـــــير

[مثــــــــــايل]

الغاليه .......... بنت النوووور


يعطيك العافيه أختي العزيزة على المشاركة وتسجيل ذكرياتك

بصفحة ذكرياتي ..... فشكرا لك على المرور والمشاركة الطيبه




وبانتظار باقى الاعضاء

[هادي]

سلاااااااااااااااااااام



الغالية مثـــــــايل :p





هيجتي الشجووون وقلتي الدفاتر القديمه بالموضوع الرائع والجميل :::01:::
.



بقولكم اول ذكرياتي مع ميهاف ( الود سابقا )




انا تعرفت على الموقع والشات عن طريق اخي عاادل


اول مره دخلت الشات ما كنت اعرف شي وكان الكل يتكلم ويهرج وانا اقعد ساكت في الشات يومها دخلت باسم هادي على شان لما احد يقول ليش ما اتكلم واسولف من خلال الاسم يعرف اني هادي ما احب الكلام والموضوع غير كذا الموضوع اني توي اول مرة ادخل شات في حياتي وما كنت ادري عن الاختصارات وكنت بطيئ في الكتابه

:D


بعد كم يوم دخلت المساء وكان يوم خميس وكانت ثاني مرة ادخل وكان يومها وكانت الاخت ياسمين الله يذكرها بالخير تسال والاعضاء يجاوبو المهم اندمجت يومها في المسابقه وجاوبت على 3 اسئله وتعادلت مع واحد كان اسمه الغريب في الاجابات على الجايزة الثالثة وقررة الاخت ياسمين تسوي بيني وبينه سؤال فاصل ويومها راحت علي الجايزة وكانت اشتراك نت مادري كم ساعه للساكنين في السعوديه يومها ما زعلت لاني ما كنت مستفيد :D

<<<<<<<< يدور على مصلحتة :D



وبعدها بداءت اتعرف على الاعضاء وتعرفو علي وبداء مشواري معاكم وتعرفت على ناس كثير حبيتهم وحبوني والله يديم المحبة


ولو اترك لنفسي المجال كان تكلمت عن اشياء كثير عن الناس الي تعرفت عليهم على مواقف صارت وعلى احداث ومقالب ومهاوشات


بس اذا في مجال برجع اتكلم عنها باسهاب اذا مافي مانع

الحين بترك المجال لغير

وبصرحة ابي ارتاح شوي

http://www.mihaf.com/gif/86.gif

http://www.mihaf.com/gif/110.gif

[مثــــــــــايل]

الأخ العزيز ........ هاادي


شكرا لك أخي الفاضل على المرور والمشاركة التي

أسعدتني كثيرا .... فعلا يا اخي الفاضل لقد كسب الشات

أروع عضويين ومن أكثر الأعضاء أدبا وخلقا وجميع

أعضاء الموقع يشهدون لك ولاخينا العزيز عادل

بهذه الصفات ..... اننا نهنئ أنفسنا لوجودكما

بين أعضا المنتدى .... في مجال الذكريات لي

أنا ذكريات مع الأخ الكريم عادل فلقد كان من

أول الأشخاص التي تعرفت بهم في الموقع وكان

فعلا نعم الاخ والصديق ..... ومن بعد ذلك تعرفنا

عليك عن طريق عادل وكنت لنا أيضا نعم الأخ.


فشكرا لك أخي العزيز على المشاركة ... لقد أيقظت

فينا أحلى الذكريات .

[هادي]

سلاااااااااااااااام




الغالية مثايل




يسلموووووووووووووو على الكلام الحلوو :p




انا اول مرةعرفتك مثايل في الشات


كنت اشوفك تسولفين وما اكلمك بس اول مرة لفتي انتباهي مرة طلعت عليكي اشاعه في الشات انك ولد ( شاب ) :D

يمكن انتي ما عرفتي بهالاشاعة بس وصلتني وخلاص
<<< ما يقول عن مصاردة :D

ما اذكر مصدر الاشاعة بس يومها ما ادري وش الي طلع ذي الاشاعه

وبيني وبينك مثايل يومها انا شكيت فيكي

<<<<<<<< كان يشوفك بشنب :D


ومرت الايام وانا كل يوم اتعرف اكثر على الأعضاء

وجاء اليوم تعرفت فيه علي مثايل وعرفتني فيه يومها كان في مسابقة مثل العاده وكنت شادد حيلي في المسابقة ومثايل تشارك بس ما في فايدة

كانت مثايل تشوفني اشارك وتقولي هاادي تعال ابيك نسطح فوق ههههههههههههههههههههههههههههههههههههههههههههه


ومن ذيك اليوم تعرفت على الغالية مثايل


الله عليها من ايام :D



تحيااتي

[][ رهيـن الشوق ][]

مثـــــايل


يعطيك الف عافيه على طرح الموضوع الرائع والشيق وليس بالغريب عليك

فأنتي السباقه دوماً لطرح كل ماهو رائع ومميز ومفيد :)


اما بالنسبه لعلاقتي بالموقع كانت منذ حوالي سنتين ونصف حيث انها

كانت اول بداياتي مع الانترنت وفي احدى الايام دعيت من احدى الاخوات

اعضاء موقع الوود سابقاً ميهاف حالياً لزيارة الموقع وبالتحديد الدردشه

كانت لي عدة زيارات لعدد من المواقع التي تحتوي على دردشات كبيره

كالود الكبير وعلي بابا ولاكني لم استمتع بوقتي لكثرة زوار تلك المواقع

وعدم قدرتي على مجارات زوار تلك المواقع الكبيره من حيث سرعة الكتابه

وخبرتهم القديمه في مجال المحادثه فوجدت صعوبات كبيره مبدئياً ولاكن

عند دخولي هذا الموقع كان موقع صغير في بداياته ويحتوي على نخبه

رائعه من الاعضاء لايزال بعضهم حتى الان والبعض الاخر انقطع عنا لاسبابه

الخاصه وفي الحقيقه محدودية العدد هنا مكنتني من الاستفاده بأشياء

كثيره فالأغلبيه هنا رحب بي ومد لي يد المساعده منذ اللحظه الاولى الشي

الذي حفزني على البقاء هنا طوال هذه السنوات العديده وبدون التفكير

للذهاب عن هذا الموقع الرائع نهائياً اما بالنسبه لتفاصيل ذكرياتي مع

اعضاء الموقع كثيره جداً لايسعني الوقت لذكرها لاكن لي عوده لطرح

بعض المواقف التي تعرضت لها بهذا الموقع القريب بأعضاءه الى قلبي


مع خالص تحياتي،،،

رهين الشوق

[مثــــــــــايل]

هاادي :::02:::



يا ويلك من الله شنو هالاشاعات انا بشنب :(

لا ومكبر لي الكلمة مخلي العمى يشوفها :::04:::




ذكريات رائعه أخي العزيز هاادي

وفعلا سعدت كثيرا خلال الاوقات

التي قضيتها بالشات مع أصدقاء

مثلك .... فلك مني جزيل الشكر

والامتنان لهذه المشاركة ...







الفــــــــاضل ............ رهين الشوووووق



شكرا لك أخي العزيز على هذا المرور والمشاركة

وأذكر الى الأن وقت دخولك للشات :) لأنه أنا

تعرفت عليك بعد خناقه بسيطة معاك تتذكرها ;)

وتمنيت لو انك ذكرت لنا بعض المواقف الطريف التي

مرت عليك في اول فترة دخلت فيها في الشات :)

أنا أتذكر كذا موقف بس ما أبي أنا أتكلم عنك

وأتمنى إنك تشاركنا فيها .... مع خالص شكري

لك على هذه المشاركة ولك مني أرق التحايا

وأعذبها ............

[كــل الـ غ ـلا]

مساء الخير

بالنسبه لموقع ميهاف صراحه لي سنه ونص وانا من أفتح الجهاز تلقائي يدي تنقاد له بأواامر من قلبي والله

أحبه وسر الحب هو طيبت قليباتكم الحلوه وأبتسااماتكم الله يديمها ان شاءالله

انا صرااحه جيت للموقع صدفه قبل لايتغير أسم الموقع عن طريق قوقل مااذكر بالضبط لكن اذكر فيه تشابه مع

أحد المواقع معروف لديكم .

والحمدالله على هالصدفه خير من الف ميعاد والله لايجيب اليوم اللي ننعدم من شوفتكم .

والحقيقه أحب أشكر الأخت مثايل الصراحه على جهودها وعلى مواضيعها المتميزه في لم الشمل ونتطمن على

الأخوان .

تقبلوا تحياتي

[مثــــــــــايل]

الفــــــــاضل ................ كل الغلا


أسعدتني جدا أخي الكريم بمرورك الكريم على موضوعي وسعدت

أكثر باعجابك بالموضوع وبمشاركتك الرائعه ..... واحنا سعداء اكثر

أخي العزيز بوجودك معانا في هذا الموقع ..... كما أتمنى أن أرى

تواصلك الدائم معنا ومع مواضيعي خاصة .... فلا تحرمنا فرحة توقيعك

في المنتدى ........... لك مني أرق التحايا وأعذبها ...

[نهـــــى]

مثوله موضوعك حلو ولي عودة ان شاالله وبحكي عن كل هبالي بهالموقع

تحياتي لك مثوله

[مثــــــــــايل]

الغالية ................ نهى


كل الشكر عزيزتي على مرورك الكريم والذي

أسعدني جدا .... وأنا بانتظار عودتك مرة

أخرى للمشاركة وتعطير الصفحة


مع خالص الود

[نهـــــى]

عودنـــــــــــــا


شو ابدى فيه امممممممممممم ايه تذكرت


كان ياماكان في قديــــــــــــم الزمان <<<<<<<<<بدت تخاريف الكبر :D


ايه شكنت بقول


بحكي كل الي حصل معي من طئطئ لسلامو عليكو


بالاول انا كنت اكره شي اسمو شات رغم اني ماادري شفيه لكن كانت فكرتي عنه

انو مكان سيئ ومايصير افكر فيه او اجيه وكان لي سنه داخله عالم النت بس كنت

مشتركه بمنتديات نسائيه واتحاشى دخول اي موقع فيه شات

الي حصل انو فيه وحده اعرفها دخلت الشات وتعلقت فيه حاولت ابعدها ماعرفت

<<<<<<<<< يقالها بتنصح وطاحت هي :::00:::

وشو حصل امممم انا دائما ادخل بطاقات رعودي عشان بطاقات الالعاب

<<<<<<<<<< طفولة متاخره

كنت اتحدى انا وفروخي باللعب

ومره وانا فاتحه على رعودي لقيت اعلان نافذة الشات للود

تذكرت البنت الي اعرفها وتدخل الشات واذكر قالت انو اسمو الود دخلت على

اساس اني بلقاها لانها قالتلي مسماها بالشات

دخلت وطلع مو الموقع المقصود بس طلع احلى مكان عرفته

طبعا كانت هذي اول مره بحياتي ادخل شي اسمو شااااااات


دخلت وكنت اغلب الوقت ادخل اسلم وبس

<<<<<<<<مافي معلوم اختصارات ولا اي شي في عالم الشات :::01:::


طبعا بالاول دخلت باسم غير نهى بعدها بكم يوم ثبتت اسم نهى وصرت ادخل فيه

اول شخص لفت انتباهي كان رهين الشوق

ههههههههههههههههه ماكان يشوف اي بنت الا ترحيب وضيافه اخر كرم

وكان وقتها سوبر ولمن يشوفني ادخل كان يكتب رسايل الي تطلع للكل

ويكتب ولكمووووو لااحلى نهــــى

<<<<<<<<<<من تشوف هذيك الرساله محد قدها على بالي مهمه هههههههههه

بعدها كنت اتعرض لبعض المسبات والتعليقات السيئه وكان ردي تسلم هذا من ذوقك

والي يسبني يتفشل ويرد يعتذر :D

كان جوابي للأسئله المعتاده جواب واحد

لمن يقولي اي حد ممكن نتعرف ارد تفضل

شسمك؟ نهــــــى

من وين انتي ؟ من هنـــــــا

كم عمرك؟ عمري بيد الله


هههههههههه كان ييئس ويتركني :::00:::

وكل من يسالني او يقول بتعرف اقوله لحظه واكتب له هالعباره

<<<اسمي نهى وانا من هنا وعمري بيد الله>>>

فيه<< شخص>> اذا كان موجود وحد قالي بتعرف من اقول للي يبي يتعرف لحظه يضحك

هالشخص ويقول الحين نهى تكتب بطاقتها الشخصيه :p


ويوم ورى الثاني كنت اتعرف عالاعضاء واحد واحد

وكان من ضمن الاشخاص الي يحكو معي كثير بالشات

عدوووول <<<<<<<<< الله يذكره بالخير كان يقولي اقدع بنت نهى

وكان فيه العاشق الولهان هههههههههههههههههه ماادري وينه الحين ماعاد

ينشاف كان برضو من الي يسولف معي ويعلق على كثير واذكر سوى روم باسمي

واسمه ههههههههههههههه

وطبعا كان فيه داايم ابن خالتي :::01:::

وكان فيه الرايق وبحر المحبه

وجبرني برضو كان لو تعليقات على من يشوفني يقول ياالله

روحي جيبي القهوه او سوي لنا اكل هههههههههههههههههه

مثايل لفت انتباهي من تدخلين الكل ترحيب فيك وكنت خايفه اقرب منك

مااعرف شو كان السبب وبسمه وميهاف وبنوته

وروان ياحبيلهاههههههههههههههه دخلت مره وهي تتهاوش مع وحده تكتب لها

بالخاص قلت يووووه هذي شكلها راعية هواش ماكنت ادري انها

صغيره بالعمر توقعت انها كبيره ههههههههههههه

من البنات الي من جد كنت انبسط معها كانت الفاضيه الله يذكرها بالخير

من اشوفها اكيف انا من محبي الهبال والضحك

<<<<<<<لايغرك العمر ترى عندي بواقي طفولة ههههههههههه

وووووووووووووووو اسامي كثيره حبيتها واعتبرتهم خوان وخوات لي

بعد ماتعرفت على المجموعه صرت من ادخل اقول

انــــــــــا جيت

طبعا كان فيه من يقول وخير ان شاالله هههههههههههههه

وبعضهم يقول وش تبينا نسوي

والبعض كان يرحب

<<<<<<<<<هذا كله كان قبل سنه و9شهور تقريبا

بجد انفتنت بعالم الشات

ايه ومن المواقف الي حصلتلي انو ماكنت متوقعه او مو حاطه في بالي انو صاحب

الموقع ممكن يدخل الشات كنت اشوف الفارس اذا دخل يعلقون عليه ويقولون المدير

و عمنا جا بس ماكنت فاهمه قصدهم

وكنت اخاف منه ماادري ليه :D

هههههههههههههههههههههههههههههه

لحد ماجا يوم وحكيت معه ولقيت انه حبوب ومايقول شي :p

ومايعض هههههههههههههههههههههههه


طبعا كانت لي مواقف كثيره واحداث كثيره فيها المضحك وفيها الي يبكي من

قلب

من المواقف المضحكه كان فيه واحد صغير يدخل هنا ويسولف معي وكنت اقوله انا

كبيرة بالعمر ومو مصدق كان يقول لاتحكي مع حد غيري ههههههههههههه

كان يغار الشيخ

وكان ولد عمه برضو يدخل هنا ويعرف انو يحكي معي كثير

طبعا بحكم جهلي التام لعالم الشات كنت مستبعده فكرة انو حد ممكن يدخل باسمي

<<<<<<<<<تحسب الدعوة صكوك وملكية اسامي هههههههههههه

الي حصل للولد انو ولد عمه دخل باسمي وصار يسولف معه على اساس انو نهى

وواعده بمجمع الراشد

المسيكين صدق انو انا الي كنت احكي معه :(

وتكشخ وطق زيونه ورز عمره بالراشد

ههههههههههههههه صقعته الشمس من كثر ماانتظر

ولد عمه طنشه

جيت بعدها والا الولد حاقد علي ويقولي ليه ومااليه وانتي مخلفه الوعد ومن هالحكي

يتشره علي ليه ماجيت للراشد على الوعد هههههههههههههههههه من جت رحمته

بعدها جاني ولد عمه واعترفلي انو هو الي دخل باسمي



وشوي شوي حبيت كل شخص بميهاف لانو لكل واحد مكانه واعتبرت الكل خواني

وونيسي بغربتي

اسامي كثيره اثرت فيني ماابي اذكرها عشان ماانسى حد ويزعل مني لكن هم

عارفين مكانتهم عندي


حاولت ابعد عن الشات وفعلا اختفيت فتره بس ردني الحنيــــــــــــــــــــــــن

بصراحه تعودت على الي هنا وماادري شلون بتركهم لكن هذي حال الدنيا


وبعدها جيت عالمنتدى طبعا اذكر الي دلني عليه كان الفارس اشتركت بس ماكنت

اكتب

ومن صارت مشكلة المنتدى وحذف الاعضاء راح اسمي مع الاسامي الي راحت

رديت واشتركت باسمي هذا نهـــــــى

ووووووووبس خلصت الحكايه :D

[مثــــــــــايل]

ذكريات حلوة حيل وصعب انه الواحد ينساها
بس ماقلت لي نهى شدعوه أنا أخوف للدرجة هذي :(

والله إني مسالمة حيل بس مادري شفيهم العالم فاهميني

غلط :( على كلامك حسيت نفسي كأنه لي عضلات وواحد

فتوة :(



كل الشكر لك الغاليه نهى على كتابتك

لهذه الذكريات الرائعه ... وأتمنى انه

لاتحرميني تواصلك معنا ...

[وائل الدوسي]

أولا : أشكرك أختي ( مثايل ) على هذه الفكرة الحلووووة

ثانيا : تعرفت على الموقع بواسطة صديق

قال أن زار كثير من المنتديات لكن أعجبه هذا الموقع

وقال أنك إنسان رومانسي وتقدر تسجل وتشارك فيه

رغم أن هذا الرجل لا يوجد لديه كمبيوتر فقط في المقاهي

ـــ لم يدعوني أحد إلى هذا المنتدى ولكن شاركت

وكانت أحد أخواتي المشرفات يشجعنني على الأستمرار

أدعو لها من جوار المسجد الحرام ومن عند الحجر الأسود

ومن خلف مقام إبراهيم أن ربي يسدد خطاها ويبارك لها

ويحفظها في الدنيا ويجعلها من الحوريات في الأخره .. آمين .

ــ والشكر موصول لأخي الكبير ( الفارس )

الذي يتمتع ويتميز بروحه المرحه ووساعة الصدر وأخلاقه الإصيله

ــ أجمل تحيه معطرة بالورد والكادي لأختي الفاضلة ( مثايل )

[مثــــــــــايل]

كل الشكر لك أخوي وائل على المشاركة


وكل الشكر للأخ الفاضل الذي دعاك للمشاركة


معنا في منتدى ميهاف ... وياهلا فيك أخو عزيز


على قلوبنا ..... نتمنى ان تتواصل معنا ...

[SMART]

امممممممممممم من وين ابداء

مدرى والله سوالف وايام وليالى كانت تنقضى فى الشات


مدرى دخلت الشات صدفه ميهاف بسبب ان اللى اعرفهم كلهم يدخلونه

وكانت فكره الشات اصلا مو دخله راسي

وبعدين اول مادخلت تهاوشت وخناق ومدرى شنو وهذذا يسب وهذا يقول مدرى ا

ايه وانا بعد من عندى ما اقصر ارد وعلى بالى انى الولد الفلته اللى مامثلى

:D وفهمت بعد فتره ان السالفه مو تقطيع فى بعض ومحشات وهواش بس بعد

ايه بعد ما عدى تقريبا 6 شهور من دخولى شات ميهاف


<<<<<<<< يفهم متا خر :D

المهم مع مرور الوقت سرت احس ان الشات مضيعه للوقت وماله داعى واتجهت

على المنتدى شوى اكثر من الشات لكن للاسف اللى اكتشفته انه المنتدى ابدا

مو مستقل عن الشات لانه العلا قات فى المنتدى والرد على المو اضيع ما يكتب

بحياديه وعلى اساس صحة الموضوع من عدمه ومدى اقناع صاحب الطرح

بالفكره ، بل وبكل اسف كان بناء على اساس المعرفه المسبقه فى الشات

يعنى لو واحد فى الشات قليل ادب و..........الخ ، ولكن طرح موضوع يستاهل

الاشاده فيه فى المنتدى تلقى الكل ينتقده فقط لانه اللى كاتبه فلان اللى

فى الشات .

( يعنى باختصار ذا مو مستقل من ذاك )

المهم بعدها ولاسباب جبريه انقطعت عن النت كليا

بس كنت بين كل فتره اطل من مره والثانيه على الموقع لانى وبصراحه اشتاق

لبعض الناس اللى كان فيه

<<<<<<<يحط ميه خط تحت كلمه بعض الناس وليس الكل :D

بس اللى اكتشفته والغريب فى الا مر ان كل اللى تعرفت عليهم فى الموقع سواء

كان على طريق الجوال او الا يميل ماشاء الله كلهم فجرو ايميلى من كثر

الرسايل وجوالى بعد ما يسكت :D

الا كل مره كنت ادخل اقول باشوف من اللى فيه خير وعلى الا قل مرسل بطاقه

تهنئه عيد واكتشف انه ما عندك احد كلهم صداقتهم هشه ومبنيه على

الغيبه والنميمة ولما يلقاك على المسانجر يسالك عن فلان وعلان ويحش فى

قفاهم ويبى يعرف اكثر اخبار عن اللى فى الشات عشان يسوى انه عارف كل

شي واذا غبت ماسأل عنك اصلا

<<<<<<<<<<<<طول شوى بالحكى


لكن برضه اقول لسه فيه ناس يستاهل انهم تسال عنهم لانهم ولو ما تحتك فيهم

الا من بعد الا انهم يستاهلون التقدير والا عجاب


اخيرا : ان يكون لك صديق واحد صادق خير من ان يكون لك الف صديق منافق :p

[مثــــــــــايل]

الكثير منا يخطئ ولكن هل يعي إنه أخطأ أم لا .. أما بخصوص

عدم سؤال البعض في حال غياب عضو ما فالأغلبيه لايسألون

عل ما يمنعهم ظروف ما ... وبالنسبه للمشاكل في بداية دخولك

فصدقني أنها أفضل ماتكون بعد ذلك ..وتنصدم بأناس تحسبهم

أصدقاءا ولكنهم العكس... المشاكل قد تكون في كل مكان وفي

كل وقت ولكن يبقى شيئا ما وهو الحنين الذي يجبرك بالعودة

إلى مكان أحببته أو أحسست بالراحه به .. حتى وإن جفوك البعض

فيبقى لك دوما أناسا يحملون لك مقدارا كبيرا من المعزة ...



شاكرة مشاركتك الكريمه وذكرياتك في الموقع

تقبل مني كل الود

[الشايب]

مثايل لتس كل الشكر على طرح هيك مواضيع

<-- مولود ببيروت

وموضوعك جميل مره مره مره دوت كوم

بقولكم وشلون تعرفت على هالمنتدى

كنت بكافيه نت

وقلت للهندي جبلي توركش كوفي نو شوقر

قالي ليش بابا نو شوقر

قلت له يا غبي ارخص من الي فيه سكر

مافهم علي

المهم كان ادوج في قوقل

مافي كلمه ما سويتها وحطيتها

مافي اسم في بالي ما جبته

اخر شيء قلت بجرب المنتديات

وشوي شوي لين طبيت عليكم

ويا حلاها من طبه

تعرفت على ناس كثيره استفدت منهم

صحيح المنتدى صغير ولكنه كبير بالاسماء اللامعه التي انظمت اليه

على شان كذا سجلت في المنتدى

واحلى منتدى واحلى شباب/ صبايا

مو قلت لكم مواليد بيروت

لان ابوي الله يسلمه تزوج لبنانيه عيونها خضر

ويوم جا للبيت سمع في العدسات

قام وحط اصبعه في عين زوجته الي انفضخت عينها

ههههههههههههههههههههههههههههههههههه

سلام

[مثــــــــــايل]

ههههههههههههههههههههههههههههههههههههههه




الشايب عليك كلمات وتعابير غريبه


الحين ابوك شال عين اللبنانيه


الله يستر منكم أجل


ما ينفع لكم الا الارتيريه :p



شاكرة مشاركتك الكريمه


تقبل تحياتي

[الشايب]

اريتيريه وما ادراك من اريتيريه


ليش يعني الاريريتيه مالها عيون ؟

ههههههههههههههههههههههههههههه

برضو راح تنفضح عينها

[مثــــــــــايل]

الارتيريه عينها مو حسافه :::04:::


هههههههههههههههههههههههههههههههههه

[الشايب]

يعني اللبنانيه عيونها احلى عيون

لا يغرك تراني شايب ومريت على عيون كثيره

احلى من عين البقره ما شفت

ههههههههههههههههههههههههههههههههههههههه

كبار ووساع لا كحل ولا رموش صناعيه

ههههههههههههههههههههههههههههه

[مثــــــــــايل]

عين البقرة أحلى :::04:::




ذوقك غريب صراحه :::04:::



بس لولا اختلاف الاذواق لبارت البنات :p


هذا مثل جديد من اختراعي :p


وبعدين عيونها وساع بزياده


صراحه انا ما اذكر شئ بوجه البقرة الا


انه عيونها ماخذه كل الوجه



بس تبقى غريب حتى بذوقك ;)

[الشايب]

لوووووووووووووووول مثايل

ليش غريب هذا الواقع

<--- غريب

امشي ودربي حزن

<-- عبدالكريم

يا بنت الحلال هذه انتي قلتيها

اكبر شيء عيونها

يعني احلى شيء فيها

ههههههههههههههههههه

وما اختلفتي معي في اي شيء

[مثــــــــــايل]

الله عليك وحافظ اغنية ابو خالد بعد


ياسلام عليك يا شايبنا


عالعموم مثل ماقلت سابقا


لولا اختلاف الاذواق لبارت البنات


وانت عاجبتك عيون البقرة الذباحه


اللي تغني لها اغنيه ابو نورة


راعي العيون الناعسه رمشها في


هذا اذا كتبتها صح :::04:::



بس على فكرة ما احب عيون البقرة


تذكرني بعيون وحده ما احبها :p



تحياتي

[الشايب]

وجهه نظرك طال عمرك لا اخذ بها ولكن علي احترامها

المهم ما علينا من البقره وعيونها

اليوم معزوم على سحور

وشرطي الاساسي ان السحور يكون تشريبه

عارفه مالي سنون اقدر اكل مثلك يا عليك سنون تقول صف لؤلؤ

هههههههههههههههههههههههههههههههههههههههههههههه

طبعا عارف ان اول شيء بتقولينه قل ماشاء الله

وهذا انا اقولك ماشاء الله

وعيني موب حاره ولله الحمد

ماشاء الله تبارك الرحمن

:)

[مثــــــــــايل]

لا التشريبه يمكن تضرك يا عمي الشايب


خلهم يسوون لك عيش بشوربه والا مموش


ويكون لين وكثر عليه روب جذي ما يضر اسنانك


<<< خايفه عليك


وماراح اقول لك تحسدني ومن هالكلام


<<< محصنه نفسها بالمعوذات :p



وميرسي على ذوقك :)

[الشايب]

الله يسلمك

ياليتني قريت كلامك قبل السحور

لكن للاسف لقيتهم مسوين بلاوي الدنيا

لكن تدربت على اكلهم ودخلت اسناني كمال اجسام ودربتهم عدل

ولله الحمد عدت الليله على خير

وبمانسه ان امس اليوم اخر يوم رمضان الله يعيده علينا بالصحه والعافيه

وبقدوم العيد حبيت اهنيك واهني كل عضو او مشرف او متصفح واقوله

كل عام وانت بخير

[مثــــــــــايل]

أهم شئ إنك دايما تسوي رياضه لأسنانك عشان


تقدر تستعملهم :p


بالعافيه سحورك ... :)

[الشايب]

الله يسلمك ميرسو

كلك ذوق دوت كوم

[الشايب]

الحين ابي اسال

ليش الشات الكتابي فاضي بالمره

مافي احد ؟

[مثــــــــــايل]

مادري والله علمي علمك


ما اروح له عشان أعرف اخباره

[الشايب]

غريبه اغلب المنتديات فيها حضور

ما علينا

الوكاد بكرا من الصبح نصلي صلاه الميت

يؤيؤ اقصد العيد

واروح اعايد جيرانا

ليش اعايدهم
انا اكبر منهم

هم الي يعايدوني

بس مااعطي عيديات

فلوس ما فلوس ما عندي من الحين اقولكم

بعدين انام للساعه 10:00 ص

وبعدها اروح لبناتي اعايدهم

وكل وحده تعطيني 500 ريال عيديه والا مااطب بيتهم

اخر شيء ارجع للبيت

واتغدى لانهم قايلين لي غدانا بكرا لقيمات

وبعد مااتغدا

لحظه لحظه

لقيمات ؟؟؟

لا لا هذه في رمضان بس

مالها شغل

لا لا اتغدا تشريبه

ومرقوق

وقلاص لبن

وانام

هههههههههههههههههههههههههه هذا عيدي

[مثــــــــــايل]

هههههههههههههههههههههههههههههههههه


عجيب يالشايب


شفيك دايخ


هههههههههههههههههههههههههههههههه


فيه احد يتغدا لقيمات


هههههههههههههههههههههههههههه



شئ صراحه

[الشايب]

ماادري مو تعودت من رمضان

بس يالله عادي

هههههههههههههههههههههههههههههههههههههه

[مثــــــــــايل]

بكرة تنسى



تعودت على الاصناف بس شكلك نسيت الوقت


:p

[الشايب]

نسيت الوقت وهذه بدايه

الخرف

عاد اذا خرفت مشكله

وانا صاحي الناس بالشتني وشلون لا مني خرفت

الله يكون في العون

[مثــــــــــايل]

الله يعين اذا خرفت


يقولون الواحد اذا خرف يرد لايام


مراهقته والله يستر منك ايام المراهقه


بتطلع كل علومك واخبارك ورياضياتك


ههههههههههههههههههههههه


المخرف يكون صريح حده كل شئ


يخره بدون ماتسأله


هههههههههههههههههههههههههه

[الشايب]

يالله يا رب انك تاخذ عمري قبل لا اخرف

ايام المراهقه

<---- نباطه ومافيه سياره ما كسرها

عاد وانا مخرف نباطتي معي وعلى السيارات مصيبه

<--- يركض ورا باص مدارس البنات

طبعا وانا صغير

عاد اليا خرفت وش بسوي الله يستر

<--- ادخل بيت جيرانا عادي

عاد على كبر كل يوم والا انا محضر عندهم بالصاله اتقهوا

الللللللللللللللللللللله يسسسسسسسسسسسسسستر

[مثــــــــــايل]

هههههههههههههههههههههههههههههههه







بعيد الشر عنك




عاد انت ودك بالخرف


عشان تدخل بيت الجيران





ههههههههههههههههههههههههههههههه

[الشايب]

ههههههههههههههههههههههههههههههههههههههه


الله يقطع ابليسك

عاد ودي على شان ادخل البيت هههههههههههههههههههههههه

ادعي الله ليا مني خرفت لا اشوفك بس

ههههههههههههههههههههههههههههه

[مثــــــــــايل]

ههههههههههههههههههههههههههههههههه




لا لازم أشوفك



عشان أضحك



ههههههههههههههههههههه



<<<< تحب السوالف



وعشان أنا شماته شوي :p

[الشايب]

طفقه عنيده شامته عياره ترفه غنوج مدلعه مطيوره

[مثــــــــــايل]

شسالفة هالمصطلحات :::01:::

[الشايب]

مو مخرف

وانتي قلتي تراني شماته

انا اقولك

طفقه عنيده (شامته) عياره مايعه ترفه غنوج مدلعه مطيوره

ذكرتيني ببيت شعر وحبيت اذكره

[مثــــــــــايل]

أها



علم

[الشايب]

حول

وشو علم

سين 10

خخخخخخخخخخخخخخخخخخخخخخخخخخخ

[.. دلوعة نجد ..]

تحياتي القلبيه الساخنه لكم


انا ذكرياتي قبل خمس دقايق مسجله بالمنتدى بصراحه هههههههههههه
منتداكم حلو شدني له الستايل روعه والوانه هاديه وتدخل القلب
وبعد اعضاءه الحلوين اللي رحبو فيني اول مادخلت يسلمووووو
وانشاء الله نعيش مع بعض احلى الذكريات بهالمنتدى الحلو


اختكم
.. دلوعة نجد ..

[الشايب]

حياك دلوعه ولو

لا لا عندنا هنا مثايل

طيوبه حبوبه دوت كوم

وان شاء الله انك تستانسين معانا

[.. دلوعة نجد ..]

حبوبه دوت كوم ههههههههههههههههههههههههه

وشو هذا صفه والا اسم موقع


فيكم الخير والبركه جميعاً

بس انت غير انت اللي استقبلتني عند باب الموقع بالشطه

ههههههههههههههههههههههه


تقبلوا تحياتي كل ابوكم

.. دلوعة نجد ..

[الشايب]

كل ابونا وكل امهاتنا

حياك الله مره ثانيه وثالثه اااات دوت كوم

هههههههههههههههههههه

:)

[.. دلوعة نجد ..]

يسلمو شيبوب دوت كوم ههههههههههههههههههه

[الشايب]

وين الدبليو دبليو دلبيو

ما يصير

هههههههههههههههههههههههههههههه

رحت ودخلت قوقل وحطيت شايب دوت كوم

طلع لي واحد ماله سنون ويقولي هذا انت

طفيت الجهاز وشربت مويه ورحت اركض بالحوش شوي

على ماراحت الصدمه

ههههههههههههههههههههههههههههههههههههههههههه

[.. دلوعة نجد ..]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه


عليك سوالف غير شكل انواع البسط يا دبليو دبليو دبليو نقطه شيبوب نقطه دوت كوم واشوى ان اللي طلعلك مافيه سنون عشان مايعضك

ههههههههههههههههههههه


.. دلوعة نجد ..

[الشايب]

اييييييه موقع لي

شايب ات فوق تحت

لا وشو فوق تحت

<-- واقف عند اشاره

ههههههههههههههههههههههههههههههه

اليوم تعبان رحت للطبيب قالي عندك انفلونزا الطيور

يعني وشو عاد تبون الصراحه خفت على جناحي لا يصير فيه شيء

لا والله انا وش اقول وشلون انفلونزا الطيور

ههههههههههههههههههههه

خرفت

قمت الي اشوفه في التلفزيون اتخيله

يالله حسن الخاتمه

[.. دلوعة نجد ..]

لاتكفى انتبه على عمرك شيبوب لايجيك شي وبعدين مانحصل لك قطع غيار
اصليه وينهدم الحلم الوردي حق جدتي

هههههههههههههههههههههههههههههههههههههههههههههههه

.. دلوعة نجد ..

[الشايب]

عاد انا يا بنيتي مالي قطع الا عند واحد من جماعتنا ومات

يعني اخر موديل انا

رحت ذاك اليوم وكاله فورت ابيهم يركلون لي بوري على شان ما اصيح

اذا بغيت احد بس ادق بوري

لكنهم ارفضو قالو اذا ركبنا لك بوري يمكن تنشل علينا

[.. دلوعة نجد ..]

ههههههههههههههههههههههههههههههههههههه


بسم الله عليك انشاء الله ينشل العدو ولاتنشل ياشايبنا الحبيب :p

مع تحيات دلوعه دوت نت


هههههههههههههههههههههههه



.. دلوعة نجد ..

[الشايب]

الشايب الي ساهرن جاه النوم وماعاد يشوف ... ودلوعه يا مرحبا يا مرحبا هلا مليون

مع السلامه نلتقي بكرا عسى عيني تشوف ... كل عضو وكل عضوه والي على روحي يمون

[.. دلوعة نجد ..]

واااااااااااااااااااااو وشاعر بعد والله انك شايب توب :p


تصبح على خير شايب وربي شوقتني لبكره ههههههههههههههههههه

انشاء الله اشوفك بكره هنا ونستانس بسواليفك النص كم دوت كوم


ههههههههههههههههههههههههههههههههههه


.. دلوعة نجد ..

[سعيدان الاطرش]

الله عليك يا مثايل وعلى مواضيعك اللي تهبل

والله شات ميهاف عندي انا شي ثاني وربي دخلت انواع الشاتات ورحت وعرفت ناس وربي ما حصلت ناس ولا شات مثل ميهاف ولا مثل أهله شي ثاني ولا نسيتهم والله على بالي كل يوم وكل ساعه وكل دقيقه وكل ثانيه وكل >>> بس مو حلى صرت ساعه بق بن تيب تيب

وانشالله لي رجعه على موضوعك افتح فيه قلبه واقول لك عن مغامرات سعيدان الاطرش وايش النكات اللي كان يدخل فيها وانواع الخبال والصرقعه معاكم

واخر شي سلمتي يا دلوعه المنتدى
سعيدانكم يقوووووول
باااااااااااي

[مثــــــــــايل]

الله عليك يا مثايل وعلى مواضيعك اللي تهبل

والله شات ميهاف عندي انا شي ثاني وربي دخلت انواع الشاتات ورحت وعرفت ناس وربي ما حصلت ناس ولا شات مثل ميهاف ولا مثل أهله شي ثاني ولا نسيتهم والله على بالي كل يوم وكل ساعه وكل دقيقه وكل ثانيه وكل >>> بس مو حلى صرت ساعه بق بن تيب تيب

وانشالله لي رجعه على موضوعك افتح فيه قلبه واقول لك عن مغامرات سعيدان الاطرش وايش النكات اللي كان يدخل فيها وانواع الخبال والصرقعه معاكم

واخر شي سلمتي يا دلوعه المنتدى
سعيدانكم يقوووووول
باااااااااااي





كل ما أشوف لك مشاركات في المنتدى سعيدان استانس وايد

وبالفعل هالموقع أعضائه قراب حيل من بعض .. نتمنى هالعلاقه

الطيبه تدوم ويكون التعامل الدائم تعامل أخوي ...


وأتمنى عودتك لصفحة الذكريات مرة ثانيه عشان تكتب

لنا ذكرياتك الحلوة ويا هالموقع وأعضائه ولا تنسى

معرفتك فيني شلون كانت :p


وشلون كنت تكشخ علينا بالسوبر اللي فزت فيه

بالمسابقه مادري الفارس معطيك اياه بس لون :p



بانتظار عودتك سعيدان لا تتأخر علينا ;)

[الطير]

انا ذكرياتي هنا كثيره مايكفي المنتدى اكتبها
بس جيت صدفه عن طريق كم واحد
المهم كان السبب هوشه

[مبدعة الكلمه]

يسلمووووو مثايل على هذا الموضوع الرائع


وربي قلبتي المواجع :mihaf11:


لا أمزح الله لا يجيب مواجع :D


قصتي مع ميهاف

أول مره دخلت النت في حياتي كانت قبل أربع سنوات تقريبا

دخلت موقع X5X5 على ما أذكر

وكانت في أعلانات كثيره ومنها موقع ميهاف


دخلته وكنت أدخل شي أسمه أسلاميات على ما أظن بس ما كان المنتدى

وكنت أشوف الدردشه بس ما كنت أعرف شنو قصتها

إلى أن قالت لي وحده قريبتي ليه ما تدخلين الشات ..

قلتلها وشنو الشات ؟؟

قالت كذا وكذا دخلي ما تتحسفين !!!

ودخلت دردشة ميهاف ويعلم الله ما كنت أعرف شي غير إني أقرا و السلام

المهم ولا أطول عليكم .. عرفت لشات و أدمنت عليه

كنت أشوف بنات كثير حبيت أتعرف عليهم بس ما حصل غير كلام في العام

مثلك يا مثايل و مثلك وربي تجبرين الواحد يحبك من روحك الطيبه ..

وبنت النور

و موون هتون

و عربجيه

ومحرومة السعاده

وغيرهم أخوات عزيزات وربي ما أنساهم

غير الأخوه الحبايب وهم كثيرين ما أقدر أذكر أسماء و أنسى أسماء أسمحولي

كلهم حبايب ..

أما الفارس حدث ولا حرج أكثر من طيب الله يحفظه دووم عاطيني وجه يرد على أسألتي الخاصه بالمنتدى :p

وعرفت المنتدى عن طريق واحد من الحبايب الله يذكره بالخير :mihaf4:

وبعدها تركت النت بعد قراري ترك الدردشه لأسبابي الخاصه لمدة سنتين تقريبا

بس وربي ما نسيت ميهاف ولا قدرت أنساها قلت أقلها أدخل المنتدى و اشوف كل الحبايب هناك ولا أني أن حرم منهم نهائي...

بختصار شديد ما أقوى وربي على فراقكم :p :p


تقبلوا جميعا خاص ودى :p :p :p

:mihaf124:

[مثــــــــــايل]

انا ذكرياتي هنا كثيره مايكفي المنتدى اكتبها
بس جيت صدفه عن طريق كم واحد
المهم كان السبب هوشه




لا بيكفي المنتدى بس إنت بلش


عاد ذكرياتك بتكون حلوة لانها


كانت كلها مشاكل وسوالف وحركات


حلوة تذكر يوم تعطيني السوبر :::00:::


وكنت نابغه ماشاءالله كل يوم فايز


بالمسابقه اللي يسوونها بالشات


كنت أحسدك أقول شنو هالمخ :mihaf6:


لاتحرمنا سوالفك الحلوة غالينا الطير



بانتظارك وبانتظار مشاركتك

[مثــــــــــايل]

يسلمووووو مثايل على هذا الموضوع الرائع


وربي قلبتي المواجع :mihaf11:


لا أمزح الله لا يجيب مواجع :D


قصتي مع ميهاف

أول مره دخلت النت في حياتي كانت قبل أربع سنوات تقريبا

دخلت موقع X5X5 على ما أذكر

وكانت في أعلانات كثيره ومنها موقع ميهاف


دخلته وكنت أدخل شي أسمه أسلاميات على ما أظن بس ما كان المنتدى

وكنت أشوف الدردشه بس ما كنت أعرف شنو قصتها

إلى أن قالت لي وحده قريبتي ليه ما تدخلين الشات ..

قلتلها وشنو الشات ؟؟

قالت كذا وكذا دخلي ما تتحسفين !!!

ودخلت دردشة ميهاف ويعلم الله ما كنت أعرف شي غير إني أقرا و السلام

المهم ولا أطول عليكم .. عرفت لشات و أدمنت عليه

كنت أشوف بنات كثير حبيت أتعرف عليهم بس ما حصل غير كلام في العام

مثلك يا مثايل و مثلك وربي تجبرين الواحد يحبك من روحك الطيبه ..

وبنت النور

و موون هتون

و عربجيه

ومحرومة السعاده

وغيرهم أخوات عزيزات وربي ما أنساهم

غير الأخوه الحبايب وهم كثيرين ما أقدر أذكر أسماء و أنسى أسماء أسمحولي

كلهم حبايب ..

أما الفارس حدث ولا حرج أكثر من طيب الله يحفظه دووم عاطيني وجه يرد على أسألتي الخاصه بالمنتدى :p

وعرفت المنتدى عن طريق واحد من الحبايب الله يذكره بالخير :mihaf4:

وبعدها تركت النت بعد قراري ترك الدردشه لأسبابي الخاصه لمدة سنتين تقريبا

بس وربي ما نسيت ميهاف ولا قدرت أنساها قلت أقلها أدخل المنتدى و اشوف كل الحبايب هناك ولا أني أن حرم منهم نهائي...

بختصار شديد ما أقوى وربي على فراقكم :p :p


تقبلوا جميعا خاص ودى :p :p :p

:mihaf124:




تسلمين حبييتي على رايك فيني وإنتي بعد والله إخت عزيزة علينا

ونحترمها لأخلاقها العاليه مع الكل وبالفعل إنتي مكسب لنا في

المنتدى لايمكن نبخسه حقه ... يسعدنا وجودك معانا وتواصلك الدائم

معانا بالفعل يسعدنا حيل .... من خلال الشات تعرفنا على إخوة وأخوات

كانوا بالفعل مكسب كبير للموقع ... ونتمنى إنك ماتفكرين أبد إنك

تتركينا لأنه لك مكان كبير بيننا ...


كل الشكر على مشاركتنا بذكرياتك الحلوة عن موقع ميهاف


وكل الشكر لك على هالمشاركه اللي نتمنى ان تتواصلي


دوما معنا ....



تقبلي ودي

[الطير]

والله يامثايل المواقف كثيرة جدا
بس حاظرني موقفين صعب انساهم
الاول اخذت في مره سوبر وقمت اشوت بهالسوابر اللي معي :D :D :D
كذا بدون سبب وخربت الشات يومها :D
جا ابو رجل مسلوخة وماعاد يشوف قدامه وشاتني :mihaf9:
والموقف الثاني جيت للفارس بيوم من الايام وبعد ما لعبت عليه واقنعته يجي معي موقع ثاني صكيته باند برد قلبي :D
ومواقف كثيرة بس ما اذكر تفاصيلها
اما سوبرك :D
انا وزعت سوابر بالموقع اكثر من الفارس :D
تحياتي صديقي فويرس :mihaf12:

[مثــــــــــايل]

والله يامثايل المواقف كثيرة جدا
بس حاظرني موقفين صعب انساهم
الاول اخذت في مره سوبر وقمت اشوت بهالسوابر اللي معي :D :D :D
كذا بدون سبب وخربت الشات يومها :D
جا ابو رجل مسلوخة وماعاد يشوف قدامه وشاتني :mihaf9:
والموقف الثاني جيت للفارس بيوم من الايام وبعد ما لعبت عليه واقنعته يجي معي موقع ثاني صكيته باند برد قلبي :D
ومواقف كثيرة بس ما اذكر تفاصيلها
اما سوبرك :D
انا وزعت سوابر بالموقع اكثر من الفارس :D
تحياتي صديقي فويرس :mihaf12:



إيه أشوى إني ماكنت موجوده وقتها وإلا كنت على راس اللي

شتهم :p ......... أذكر إنه الفارس سحبه منك وصار إذا

عطاك سوبر عطاك إياه عور (( يعني ما يشوت بس لون )) :p

كريم ماشاءالله عليك توزع سوابر :::00::: ...


يعطيك العافيه غالينا الطير على هالمشاركه

وهالمرور اللي أسعدني حيل .. متمنيه دوام تواصلك

لاتحرمني هذه السعاده ...


تقبل كل الود

[الطير]

بما اني مصدر سعادة بالمنتدى :D
بعصر مخي شوي واحاول اتذكر
طبعا بتذكر شي مافي مشاكل وشوت :p
مرة من المرارير سوينا موضوع بالمنتدى ماذكر ايش عنوانه بس كان على البنات اللي هنا بالموقع
تقريبا كان احسن وحده او شي زي كذا :mihaf12:
المهم
مشى الموضوع زين والردود صارت بالميات خلال ثلاث اسابيع تقريبا وكان القصد من الموضوع اثارة الفتنة بين الاعضاء ;) (اول مرة اعترف)
ودخلت بالخط وحده من البنات وقالت شي غلط ضايقني(بدون ذكر اسماء)
وحضرت شياطيني :mihaf10:
وغسلت شراعها (طبعا تكلمت معها بكل حرية وبدون مراعاة انها انثى )
خليتها تمشي كذا
:mihaf9:
وكانت تمون على احد الاعضاء المشرفين واقنعته بان يحذف الموضوع
وحذفه :mihaf13: :mihaf13: :mihaf13:
طبعا انا زعلت :D
ولما ازعل اخرب :D
ونزل الفارس من برجه العاجي وتدخل بالموضوع وقلت له تمون يامعفن ولا يهمك
انا بنسى الموضوع بس لازم انتقم
واضطر انه يسكت لان الحق معي ;)
وانتقمت بطريقه حقيرة جدا من 3 اعضاء بعضكم يعرفهم :D
و بعد وسفارات بعض الاعضاء المهمين واوقفنا القتال ورجعنا سمن على عسل
:mihaf5: :mihaf5: :mihaf5: :mihaf5:
(( وكفى الله المؤمنين شر القتال ))

[مثــــــــــايل]

بما اني مصدر سعادة بالمنتدى :D
بعصر مخي شوي واحاول اتذكر
طبعا بتذكر شي مافي مشاكل وشوت :p
مرة من المرارير سوينا موضوع بالمنتدى ماذكر ايش عنوانه بس كان على البنات اللي هنا بالموقع
تقريبا كان احسن وحده او شي زي كذا :mihaf12:
المهم
مشى الموضوع زين والردود صارت بالميات خلال ثلاث اسابيع تقريبا وكان القصد من الموضوع اثارة الفتنة بين الاعضاء ;) (اول مرة اعترف)
ودخلت بالخط وحده من البنات وقالت شي غلط ضايقني(بدون ذكر اسماء)
وحضرت شياطيني :mihaf10:
وغسلت شراعها (طبعا تكلمت معها بكل حرية وبدون مراعاة انها انثى )
خليتها تمشي كذا
:mihaf9:
وكانت تمون على احد الاعضاء المشرفين واقنعته بان يحذف الموضوع
وحذفه :mihaf13: :mihaf13: :mihaf13:
طبعا انا زعلت :D
ولما ازعل اخرب :D
ونزل الفارس من برجه العاجي وتدخل بالموضوع وقلت له تمون يامعفن ولا يهمك
انا بنسى الموضوع بس لازم انتقم
واضطر انه يسكت لان الحق معي ;)
وانتقمت بطريقه حقيرة جدا من 3 اعضاء بعضكم يعرفهم :D
و بعد وسفارات بعض الاعضاء المهمين واوقفنا القتال ورجعنا سمن على عسل
:mihaf5: :mihaf5: :mihaf5: :mihaf5:
(( وكفى الله المؤمنين شر القتال ))




أذكر الموضوع كان ملكة جمال المنتدى صح ;)

أذكر الموضوع وأذكر كنت حاصله على أكثر نسبة

تصويت وقتها :p

وسافرت وقتها مدة كم يوم رجعت لقيت الموضوع انحذف

من جذوره :( ..... بس شنو السبب وشنو الهوشه اللي

صارت ما اذكرها قولها لي برايفت برساله خاصه ;) ..

خل ينحذف الموضوع أهم شئ إنه ماتصير مشاكل أو

زعل بين الأعضاء ... أتمنى إنه نبقى إخوان عزيزين

على بعض ... ولايكدر صفو علاقتا شئ ...


أسعدني مرورك مرة ثانيه وبانتظارك

ثالثا ورابعا :p



تقبل تحياتي

[الطير]

مافي برايفت تبيه اقوله قدام الكل بس تحملي النتائج :::01:::
خلنا نسوي فضايح ونرقص
:mihaf7: :mihaf7: :mihaf7: :mihaf7: :mihaf7:

[مثــــــــــايل]

مافي برايفت تبيه اقوله قدام الكل بس تحملي النتائج :::01:::
خلنا نسوي فضايح ونرقص
:mihaf7: :mihaf7: :mihaf7: :mihaf7: :mihaf7:




مو أقول لك شرير :::02:::


مانبي فضايح الله يكافينا شرها :mihaf6:


نبي ضحك وغشمرة وذكريات حلوة


ثانكس على المشاركه


اذا تذكرت شئ تعال قوله :mihaf6:

[الطير]

:mihaf13:
طيب
:mihaf13:

[مثــــــــــايل]

:mihaf13:
طيب
:mihaf13:




لاتعصب ما احب اللي يعصبون :::02:::

[كيمو]

الله ذكراك وايد روووعه وهم انا ازيدك من الشعر بيت

كان الرابط مثل ما قلتي



المرادف اقصد الشات الجديد لهو ميهاف


صح وانتي كنتي تختارين صورة الرجل البدوي اللي لابس بوشت هههههههه وغتره حمرا وثوب ابيض هههههههههه

هم بعد كانت فيه شخصيات شفتها قريب وهم ؟؟؟؟

وكانت الغرفه اللي انا ادشيها رووم مملكة البحرين كانو فيه عصابات مكونه من بنات كلهم ابووو شنب هههههههههههه

ع ما اعتقد من ضمن هالشخصيات
دينا . ورواان. عبير . صدي الجراح . هادي . منو يا ربي . نور. الكرم . مسكين هذا اختفي .
كولت . منو غيرهم يقول اسمه بس بامنه وبالمناسبه يلزم المنتدي عيد والظاهر مر عليه تقريبا 4 سنوات يلا خلونا نسوي عيد تورن انا ابي مفطح ...

مشكور ع هالمشاركه الحلوة اللي فيها الماضي السنع

الله يعطيك الف عافيه

[مثــــــــــايل]

الله ذكراك وايد روووعه وهم انا ازيدك من الشعر بيت

كان الرابط مثل ما قلتي



المرادف اقصد الشات الجديد لهو ميهاف


صح وانتي كنتي تختارين صورة الرجل البدوي اللي لابس بوشت هههههههه وغتره حمرا وثوب ابيض هههههههههه

هم بعد كانت فيه شخصيات شفتها قريب وهم ؟؟؟؟

وكانت الغرفه اللي انا ادشيها رووم مملكة البحرين كانو فيه عصابات مكونه من بنات كلهم ابووو شنب هههههههههههه

ع ما اعتقد من ضمن هالشخصيات
دينا . ورواان. عبير . صدي الجراح . هادي . منو يا ربي . نور. الكرم . مسكين هذا اختفي .
كولت . منو غيرهم يقول اسمه بس بامنه وبالمناسبه يلزم المنتدي عيد والظاهر مر عليه تقريبا 4 سنوات يلا خلونا نسوي عيد تورن انا ابي مفطح ...

مشكور ع هالمشاركه الحلوة اللي فيها الماضي السنع

الله يعطيك الف عافيه





الله يذكرك بالشهاده عزيزي كيمو ذكرتني بناس بالفعل كانوا عزيزين

ومن أروع الناس اللي صادفتهم بالنت .... جمعتنا معاهم أيام حلوة

وكانوا هالأشخاص من النوع اللي كلهم حياه .... إذا دخلوا الموقع خلوا

له صوت وحركه ... مشتاقه حيل لعزيزتي رواان هذي أكثر شخص كان

قريب مني ... تعجبني تصرفاتها ... على شطانتها الكبيرة كانت مؤدبه

حيل ... تجبر الأشخاص بتصرفاتها إنهم يحبونها ...... والله مشتاقه لها

يارب نسمع عنها أخبار جديده وحلوة ....


مشكور كيمو على مشاركتك وذكرياتك

وياليت إذا عندك ذكريات جديده ماذكرتها

إنك تشاركنا فيها .......


كل الشكر عزيزي


تقبل كل الود